EL PESS D’AVRIL
Elena Paredi
El “pess d’Avril” l’è spantegaa in tutta Euròpa, ma minga tucc sann che l’è ona usanza antiga.
L’era on rito colletiv, gioios, ligaa a la Primavera, temp de nascita a noeuv! In de l’Equinòzzi de Primavera tutta la Natura la se desseda e la terra la dà la soa cavada (frutt) e i giornad se slonghen pussee. El sô l’è semper pussee cald e alt in del ciel, se desseda foeura tusscòss in del mond. La mitologia antiga celtega la liga ’sto period chì cont el simbol solar per eccelenza: Belenos e Belisama, el pess l’è on simbol de trasformazion, attiv e solar, element fecondador; el venerdì eren sòlit paccià pess perchè inscì podeven ciappà tutt i fòrz beneich di ’sti divinità... el gioeugh, el scrizz, l’era ona sòrta de “sacriizzi” per juttà la rigenerazion di gent.